Itziar Etxebarriak bizi osoa darama lanean fruta-arbolen laborantzan, José Etxebarria aitarekin batera. Gaur egun, Gatikan duten baserrian bizi dira familiarekin, haien nekazaritza-ustiapenak inguratuta. Bertan jaiotzen dira beren sagar mimatuak eta zaporetsuak.
José oso gaztea zela hasi zen eremu horretan lanean, eta, pixkanaka zaletasun hura areagotzen joan zen, haren ogibide eta haren alaba Itziarrena bihurtu arte. Etxebarria sagarrak eta sagardoa ohikoak dira Bizkaia osoko azoketan, eta sari asko jaso dituzte gainera.
SAGAR EKOIZLEAK
Lursailak Gatikan daude, Igartua auzoan zehazki, Butroi ibaiaren ertzean eta Butroiko gaztelutik bi kilometrora.
Gaur egun, ustiapenak 3 sagardo-sagar hektarea ditu, eta beste bi hektarea, berriz, mahaiko sagarren eta beste fruta batzuen laborantzarako.
Sagardo-sagarren artean, Bizkaiko (boskantoia, urtebeta, urdin sagarra, etab.), Gipuzkoako (rexil sagarra, txalaka, etab.) eta Asturiasko (teorica, prieta, etab.) barietateak dituzte.
GATIKAKO ETXEBARRIA HAZTEGIAK
Jose Etxebarriak hamarkadak eman ditu familia-negozio errotua den nekazaritza-ustiapen honetan fruta-arbolak laboratzen, eta, orain, Itziar alabak heldu dio tradizioari.
Fruta-arbolak ekoizten dituen mintegia da. 7.000 landare ditu, eta tokiko fruta-arbola ezberdinetan espezializatuta dago, hala nola sagarretan.
Mahastizainak eta txakolingileak